معرفش ازاي
...........
كنت بسمع زمان وكنت بستغرب
قال ايه الروح تحب
من غير ما الوش تشوف وتتفرج
اضحك على كلامهم
واقول دي ناس مجنين وبتخرف
واسمع واحد يقول ويحكي اوصاف وباللهفه متقطع
اقوله شفت يقول عين لاء.. لكن بالقلب نشوف ونتعرف
اضحك واكركر واقول دا جنان
مش اكتر
دا كان زمان
ايوه كان زمان
دلوقتي من الكاس
والمر انا شربته وجربته
عبيت من الاحساس
ماتعرف له اوزان ولا تقدر حجمه
وسهر الليل والحيره واللهفه باب ودخلته
مع اني لا عين شافت
لكن بقلبي وبروحي شفته
وجوه ضلوعي داريته ورسمته
وحروف اسمه فوق الوتين وطبعته
دا مش زمان دا الان
ومن خدمة العاشقين ختمته وبصمته
ومعرفش ازاي
محمود علي
ليست هناك تعليقات:
إرسال تعليق