ياللي خرجتوا بره زمام الفقر
قوموا وارقصوا زي القرود
لما نهبتوا وسرقتوا وظلمتوا
ودهستوا بجزمكم كل الورود
وبكل انعره شدوا الحزام
وانت بتتباهى عالسطوح
سهران على هديل الحمام
لا فرق معاك اللي بقلبه ينوح
ولا قادر يقول الآه من الآلام
ولا من الحوجه قادر يبوح
مستحمل الجوع صاحي مابنام
والدم سايل مالجروح
وانت اللي لابس ريش نعام
واللي ظلمته حاسس انه مدبوح
عالشط فيلا واجهتها رخام
والخزنة لها ضلفه في الدولاب
وهدوم كتير مطبقه بس بنظام
ممنوع يهوب عندها حتى التراب
والكل يعمل لك تعظيم سلام
عجوز ولكن في عز الشباب
ليلك نهارك غرقان في الأحلام
سلطان زمانك والهوى غلاب
واللي ظلمته صابو السهام
والفقر خلى دنيتو ضباب
(((أسامه جديانه)))
ليست هناك تعليقات:
إرسال تعليق