قلبي اشتاق لك وانت بعيد ((( أسامه جديانه )))

 قلبي اشتاق لك وانت بعيد

واحتارت بينا المواعيد

دايما فاكرك يحكي عنك

كل شويه يقول ويزيد

عايش دايما على ذكراك

فكره من عشقك شريد

مستني لحظة رجوعك

يومها هيكون يوم سعيد

بيعد الساعه ورا الساعه

زي الطفل في يوم العيد

حلم وكل يوم بيقرب

وبيحسبها بساعة الإيد

ظنه ان الساعه مش ماشيه

نفسه تقرب في المواعيد

ورسايل دايما يكتبها

في انتظار رجل البريد

كل رساله كان يكتبها

يكتبها بأسلوب فريد

يرجع تاني ويكتب غيرها

ويحدد فيها المواعيد

حاول ترجع قبل ميعادك

ارحم قلب عايش وحيد

كسر ساعته وكسر قلمه

من شوقه لحبه البعيد

(((أسامه جديانه)))

عرض الرؤى

معدل وصول المنشور: ١٩

١شحاته على ابودرب