أمسيات الحسن. .13/ 1/ 2022
ساهر على حافة القمر
بقلم الشاعر : حسن حلمى
ياواش ياواش
يا ليل هدى
أنا اصل حلمى على قدى
بعدى كام موجه
وبغرق
والبحر اصله ملوش أخر
يادوب يادوب
بلمس حلمى
وألشط عنى بيتاخر
بحلم بتوب
يلمس جسمى
ويكون برسمه على مقاسى
يادوب يادوب
لسانى بحبى
والخطوه ماشيه قوام تجرى
بنوته حلوه
وبطرحه
والعين يادوب فرحة فرحه
ضحكة خدودها
بلون وردى
والنظرة لعيونها تهدى
والكحل ليله
ملوش أخر
قمره بيسهر يشاغلنى
وإن قلت للنجمه
تعدى
نورها يميل على خدى
ياليل ياليل
ياليل هدى
أنا اصل حلمى على قدى
بحلم بيوم
أمسك ايدها
وأغنى ليله بيوم عيدها
تضرب كمانجه
على عودها
والخصر بجماله يدندن
هفهف نسيم
عدى يسلم
والخصله طارت تتمايل
شدت قلوع
مركب ماشى
على شط بحر بلا مراسى
والموجه هدت
بالميه
لتخطى بينا يا صبيه
ياواش ياواش
ياليل هدى
أنا اصل حلمى على قدى
بقلم الشاعر : حسن حلمى
ليست هناك تعليقات:
إرسال تعليق