خياط الستر ياباشا

 خياط الستر ياباشا

شال خيط وإبره وقماشه

وباع مكانته ببلاش

عيونه بقت شيش بيش

السوس بينهش عظامه

دكانه عروض يابلاش

المسرح عروضه ياما

بتشوف اللقطه وتراقب

اعراض الخلق وتحاسب

هو أنت مش من الخلق ؟؟

والأمر لصاحب الخلق ؟!

موضوعنا كبير ... محتاج تفسير

بنرازي في بعض ... من غير تفكير

العيب ...من مين؟؟

موضه أوتطوير؟؟

ولا دماغ البني ادمين

من فين نبي ....من فين ملك

مين بيحدف ...طوب علي مين

طول عمر ..الجيره والنخوه

وتوب الجدعنه لينا

على قدينا ... بيكفينا

لا يوم باع واشترى فينا

بيدينا اخبار الخلق ... بالتقسيط

بشكل بسيط ... عايش تنطيط

ولا مودينا .... سوق الجمعة

ماتسيبوا الخلق ...للخالق

وعجبي ....

بقلمي شيرين ابوعميرة

١٥شيرين ابو عميرة، زين الحصري شاعر خواطر و١٣ شخصًا آخر

١٣ تعليقًا

٦٨ مشاركة

أعجبني

تعليق

مشاركة