( رص الحروف ) :
رص الحروف معلمه
من غير ما بنفكر
يادوب بييجي القلم
ع الورقة بيسطر
دي موهبة م الإله
ربك وهبها لنا
مافيهاش لا عز وجاه
دي م الإله منه
الحرف لو كان رمال
في ايدينا صار حنه
بنجيد فنون الارتجال
ونرص كالبنا
الحرف جنب الحرف
ينطق ويتغنى
مش بس نحو وصرف
ده كلامنا له معنى
رص الحروف ده فن
واحنا بنحترفه
الحرف لينا يحن
وكلامنا ليه عُرفه
رص الحروف هندسة
خلص الكلام بيننا
مش جامعة ولا مدرسة
دي ارضنا وطيننا
رص الحروف يا ناس
مش ورقة ولا كراس
صدق اللي قالوا زمان
العلم جوه الراس
صدق اللي قالوا زمان
العلم جوه الراس
بقلمي الشاعر جمال زكي عينر
ليست هناك تعليقات:
إرسال تعليق