ماتقوليش
دي اختي
ولاحتى جارتي
اوحبيبتي
اوصديقتي
ولاتوام روحي
ماتحطيش الكبريت
جنب النار
عشان مايولعش شرار
الشيطان لسه ماماتش
اللي يلعب بالنار
يحرق صوابيعوا
ماتناميش بين القبور
مابتشوفيش كوابيس
وماتقوليش ياريت اللي جرى ماكان
حاسبي عاشمعتك تقيد
وداري عاجوزك
لحسن منك يطير
الحب زي الفريك
مايحبش شريك
خديها نصحية مني
ماتعطيش فرصة لحد
مين ماهو يكون
انه يلعب في ديله
ويخلصك حبيب القلب
حاجات كتير ماتتعرش لحد
واولها شريك العمر عن جد
خليكي صاحية ومتنبهة
واحمي جوزك من الغدر
تعيشي عيشة هنية
مرتاحة البال ورضية
كوني لبوة قوية
وماتوقعيش بالمصيبة دية
ياما خسروا احباب
من العبط وطيبة القلب
ماتأمنيش لاي حد
عشان مايلعبش الفار في العب
وخسارتك وقتها تكون قوية
وماينفعش الندم في الساعة دية
الاثنين 10 يناير2022
عارف البديوي
ليست هناك تعليقات:
إرسال تعليق