** لخدود عندك بدر عالوجهين ** بقلمي .. ياسين مصطفى بكري

 ** لخدود عندك بدر عالوجهين**

حَبيت شِم الصُبح من زَهرِك

ما أحلى زَهرِك شَجرَة الياسمين

كل يوم عم أتعَطَر بعُطرِك

والعُطُر غالي كثير عالحلوين

ظَليت في البُستان ناطِرلِك

واحكي معاكِ إرحَمي القلبين

عيونِك بِجذبوني..على مَهلِك

ما عاد فيِّ أفهَم الامرين

السِحِر يَلي جاي من صَوبِك

فَتَحت عَيني ما عرِفِت من وين

غَطي عُيونِك حتى أندهلِك

ولخدود عِندِك بَدِر عالوَجهين

احلى تحية اليوم بَبعَثلِك

ردي التحية بالف او الفين

وحيات ربي اعتَرَفتِلِك

إني عشِقتِك من سنة وسنين

لا تقولي عَني بجرح بقَدرِك

قَدرِك على راسي وعلى لِجبين

..بقلمي..ياسين مصطفى بكري.....

عرض الرؤى

معدل وصول المنشور: ٦٥

٢٢

٦ تعليقات

أعجبني

تعليق