أنا وطيفك ــــــــــــــــــــــــــــــــ بقلمي \ رمضان عبدالله أحمد

 أنا وطيفك

____________

أنا وطيفك منمناش

بقالنا يومين

الكلام متكلمناش

كلها نظرات عينين

لبعضنا مشتاقين

والاحلام خدتنا لفين

قلوبنا سهرت ليلتين

بعدها زاد الحنين

انا وطيفك سرحنا بخيالنا

وعدينا بلاد وبلاد

واتمنينا يطول ليلنا

وتزيد ساعات الوداد

كلامنا كان ألحان

ولالومنا ع الزمان

والنبض كان اشجان

وكرهنا ايام البعاد

رغم طول انتظارنا

لسه الأمل موجود

ولا راح الصبر يخلص

الأمل ف إلله معقود

ان الحلم يتحقق

كل الكلام يتصدق

ونور الفجر هايشقشق

يفرح كل الوجود

على شط الغرام قابلته

عينيا جت في عينيه

من نظره وحده سلمته

قلبي اللى دايب فيه

والدنيا رسمت خطاوينا

قالت لنا يلا بينا

نغني اجمل غناوينا

لشوق القلب اللى ماليه

_______

بقلمي /رمضان عبد الله أحمد

عرض الرؤى

معدل وصول المنشور: ٣٩

٢٢

٨ تعليقات

أعجبني

تعليق