دنيا غير الدنيا (383)
...................
قالت أنا رايحه
ومش جايه ..
راح أدور دنيا
وناس تانيه
أفرد أحلامي
اللي طويتها
على صفحات حرمان
ما نسيتها أتهجأ حروف
غصبا عني وأصحي الذكرى اللي داريتها ..
أيام الصمت وعايشاها
وليلاتي بتخنق
في هناها
لا هي قادرة تداري
في أوجاعها ..
وبتصرخ جواها دموعها
مصدومه في قلب
سنين باعها ياما حضنت ليل وهم خدعها ..
يرسم لا بتقرأ ولا بتكتب
شيفاه بإحساس
عمره ما يكدب
أوتار الدفا بانت دايبه
والليل مفقود
والعزف ودبلت ألحانه
فوق غصنه يموت
لا أنا عمري هسامح ولا أعاتب كفياني جراح
وسيبوني أشوف
في وشوش تانيه
مع ليل سواح
وأدور دنيا غير الدنيا
يمكن أرتاح
بقلم .. صبري رسلان
ليست هناك تعليقات:
إرسال تعليق