مكانك جوايا لساه موجود
ومركب غرامك بالقلب راسي
ومهما باعدت بينا الحدود
عمري ما كنت لهواك ناسي
أنا بحبك وكلي ليك مشدود
ليه أنت بس عليا قاسي
عارفك مشهور بالكرم والجود
حبيبي متزود عليا المقاسي
صابني بحبك بالفكر الشرود
وغيابك أصبح صداع براسي
بالله ياروحي عليا تجود
وتسأل بدونك فارقت ناسي
غيابك أتعدى كل الحدود
والكل أصبح لمصابي يواسي
حبيبي متشمت فيا الحسود
بغيابك كرهت م الناس التماسى
حبيبي كفايه بالله عود
للقاك إشتاقت معايا الكراسي
سليم الغنام
ليست هناك تعليقات:
إرسال تعليق