سؤال حاير كلمات يلدز البربري

 سؤال حاير

بيسألوني حزينه ليه

وقفت حيرانه مش عارفه اقولهم ايه

ابدأ من حياتي وانا صغيره

والا ابدأ لما فكيت الضفيره

وقفت ادامهم في ذهول

وقلتلهم ده شيء مش معقول

ده انا ياما انطوت في حياتي صفحات

كنت انام واصحي علي الدموع والأهات

اتحرمت من حنان الام

اتحرمت حتي من الصدر اللي يضم

اه من حرمان الامومه

والا لمسة اديها الحنونه

من غيرها حياتي ضاعت

وحزنت علي احلي ايامي اللي راحت

كنت وسط اهلي وحيده

كنت اتمني ليا دنيا سعيده

زي كل البنات اللي في سني

بصيت لنفسي من الحزن سبقت عمري

واتحملت المسؤليه

وانا صغيره في الدنيا ديا

كانت البنات في سني

تضحك بسعاده وتجري

كان نفسي اضحك زيهم

والعب واجري في ظلهم

يا عيني اللي فات فات

تعالوا شوفوا اللي جاي كله اهات

بصيت فجأه لقيت. واحده

قال ايه مكان ماما جايب واحده

مش قادره اقول واوصف

عذابي من غير ماحلف

هانت عليا حياتي

واللي شفته منها بكاني ليلاتي

كانت علطول أسيه عليا

عمري ما شوفت منها حبة حنيه

كنت انام واصحي علي دموعي

حتي دبلت جفوني

اشتكيت لربنا كتير

لاني في حقدها وقعت اسير

كتير رفعت اديا لله

وقلبي اندبح من كتر الأه

وسمع ربي لشكوتي

وزالت الغمه من وحدتي

ورجعت ليا ضحكتي

مع امي حبيبتي

وتاني انست وحدتي

ونشفت من عيني دمعتي

صحيح الصبر جميل

ومافيش معاه كلمة مستحيل

الحمد لله علي كل حال

سبحان مغير الاحوال

كلمات

يلدز البربري

28/9/1192

عرض الرؤى

معدل وصول المنشور: ٣٨

٤محمد عزت، Tgred Ahmad وشخصان آخران

١١ تعليقًا

أعجبني

تعليق