دعائك يغير قدرك د\ عادل أبو صيرة

 دُعائك يغيَّرقدرك

*

د/عادل أبوصيرة*

اقرعوا الابواب

-بتمر بضيق في رزقك،اتشعبط في فرج وكرم ربك.

-هل بالدُعاء نعم.. بلي.. أيون الدُعاء بيغير القدر !وبإذن الله وفضله ومنه بيتغير.

- إتعلموا الصبر واليقين في إستجابة الدُعاء سُبحان الله، لو صبر العبد علي باب الله عز وجل لفتح الله له چميع الابواب !

- دُق انت بس (باب الدُعاء) وعافر متيأسش -خليك زنان زي العيِّال الصُغيرة،ربنا هيستحي يكسفك ويُردك خالي الوفاض قول:بس يارب -هو عالم باللي جوانا وبكلمة يا رب هيترجمُه من غير شرح،هنروح لمين غيره؟!ده تليفونا لو هنج ووقف،بنفضل نشيل البطاريه ونفصله ونشغله تاني ونصبر عليه لحدلما يشتغل حتي ولوقعد ساعتين .

-قاوح وإصبر وحاول وخليك عِنَدي،قَدرك هيتبدل،وظروفك هتتشقلب زي البالونات! وهيترتب المتكركب!

-ربنا مبيقولكش كلمني بالفُصحي،ولا رتب الدعوه زي ماقال في كتابنا الكريم،قالك قول بطريقتك وباللي جواك وهو عالم بيك!

-الأب لما بيلاقي شاب بيتقدم له لبنته مره وإتنين ومُصمم عليها بيميزه عن غيره وبيقبله وبيقول مادام شاريني وبنتي وجه مره واتنين أنا هرضي بيه!!ولله المثل الاعلي لما تطلب الطلب من ربنا مره وإتنين هيوافق عليه ويلبي هولك!!

((هينجحك،هيشفي مريضك،هيوفقك في حياتك،هيهدي سرك،هيغفر ذنبك ويريح بالك، هيجوزك اللي بتنمناه،ويوسع عليك رزقك، ويغير القدر علشانك!!!!))

**ربناسبحانه بيحب العبداللحوح الملزوق بأمير علي بابُه{{شَبَطه يعني}}إشبط وإدعي و إعمل اللي عليك وسيبها علي الله !!

"ﺟِﺪّﻭﺍ ﺑﺎﻟﺪﻋﺎء،ﻓﺈﻧﻪ ﻣﻦ ﻳﻜﺜﺮ ﻗﺮﻉ ﺍﻟﺒﺎﺏ،ﻳﻮﺷﻚ ﺃﻥ ﻳُﻔﺘﺢ ﻟﻪ"

**تحياتي لحضراتكم*

*

د/عادل أبوصيرة*

عرض الرؤى

معدل وصول المنشور: ٣٢

٢محمد عزت وشخص آخر

تعليقان

أعجبني

تعليق