عقل البشر عبدالله رجب ابو عدنان

 عقل البشر.

عبدالله رجب ابوعدنان

مسكت طباشير من الحجر

برسم والون عقل البشر

اشخبط ع الحيطان

خطوط وأحزان

بدور على أمان

ونجاة من الخطر

وشوش بتضحك رغم الوجع

وصبيان بتلعب وتدلع

و أم خايفة على أبنها لا يقع

لكن المرادي قلبي انكسر

كله بيخبط

يدبر و يخطط

وأخوة ع الإخوة بتتشرط

ونتخلص م العند و الكبر

ولبست كل الهدوم

دماغي بتلف و مهموم

أقرب الناس منها مصدوم

وكل حاجه طعمها ممرر

ظلم القرايب عذاب

لا نافع لوم ولا عتاب

ما تيجو نصفي إللي بينا

ونكون راجل واحد يا ولاد بلدنا

ونكون أحباب

ونزق خطوة و نعبر

نشارك بعضنا ف الفرح

وننسى خلافاتنا و الجرح

ازاي تعدي على اخوك وما تصبح

وتغلط و ما تعتذر

هات ايدك ف ايدي

دا دمك بيجري ف وريدي

بارك لي ف فرحي وعيدي

واللي يقدر يتقدر

اخوات متباعدين

والبيت بقى نصين

الواحد بجد حزين

ونفسه السما تمطر

حب وطيبة زي زمان

وناخد بعض ب الاحضان

ياريت تسامحني لو زعلان

يا صاحبي ليه على طول مكشر

عقل البشر.

عبدالله رجب ابوعدنان

٦٦

تعليق واحد

١٦ مشاركة

أعجبني

تعليق

مشاركة