" أسفة حبيبي " بقلم\ عاطف محمود

 « أسفة حبيبي »

وجوزي وروح قلبي إني قتلتك

كنت مغيبة ومتغمية عينيه

زى الثور في الساقية

بيلف ويدور ومتغمي عينيه

في لحظة نسيت كل أيامي

الجميلة معاه والفرحة

ولمة العيلة الجميلة

وجوزي حبيبي وولادي حوالية

صدقوني غصب عني شيطان الأنس

كان أقوى مني حفزني

وغواني ووعدني وأكد لي

أنه هيعيشني حياة بطعم تاني

كلها حب ورومانسية جميلة

مليانه بالحب والحنية

والموسيقى والأغاني

طمعني وبعترف أني طمعت

في ثواااااني وأتفقت معاه

علي قتل زوجي حبيبي

وأبو عياااااالي الحنين

الجميل إللي كان مثالي

إللي كان ملوش غيرنا

وإللي بيشقى علينا ليل نهار

وعمره ما كل ولا مل ولاقال

من التعب اه ياني

مشكلته أنه كان أناني بيفضل أمه عليه

كل يوم يعدي يقعد معاها بالساعات

وغيرت منها مع أنها حماتي وزي أمي

كنت غلطانه وفاكره ببره لأمه

أنه أناني ونساني

وأتاريني أنا إللي ماكنتش فاهمه

إن لازم يبر أمه ودا واجب وحق عليه

وأني شيطاني إللي غواني

وحرمني من حياتي وعشرة

عمري في ثوااااني

موتوني وأعدموني بس أوعو تظلموني

وتقولوا محبتهوش وللحياةمسبتهوش

وكانت قاسية عليه

قولوا مسكينه كانت متخدرة

وموش دريانه بتعمل ايه

وموش في وعيها

تقتل زوجها بالبشاعه دية

صدقوني لما فقت ولاقيته

مات بين إيديا بكيت بقلبي

ومرت أمامي ذكريااااتي

وشريط حياتي معاه

الجميلة كأنها ثواني

بعد النهاية المأساوية ليه ولية

وأترميت على الأرض من كثرت الصراخ عليه

وأنا بنادي بأعلى صوت

قوم حبيبي فوق أوعى تموت

أسفه حبيبي كنت مغويه ومضغوط عليه ومتخدرة بجد أسفه إني قتلتك

بقلم / عاطف محمود (

مصر)

عرض الرؤى

معدل وصول المنشور: ١٩

٤أنت، شحاته على ابو درب، دنيا سعد وشخص آخر

١١ تعليقًا

أعجبني

تعليق