ياريتنى ما سألتها
............
من يوم ماقابلتها
النوم خاصم عينيا
ياريت ماكنت قابلتها
ولا شافتها عينيا
ياريتنى مشيت وسيبتها
أو هى راحت وسابتنى
ولا عن النبع سألتها
ولا مدت أيديها وساقتنى
ولا لمست أيديا ولمستها
نار العشق قادت وطالتنى
حرقت مجهتى وطار نومى
طال السهر مالضجر خلتنى
أسير الظنون وزادت همومى
ياترى فكرانى ولا نسيتنى
ح تعرفنى لو مرة لاقتنى
ولا ح تنكرنى لو شافتنى
إيه هيكون رد فعلها
لو قربت منها وسألتها
فى البدر شفت صورتها
الورد والنسيم بيجيبوا سيرتها
الطيور غنت أجمل الألحان
لما أبتسمت وسمعوا ضحكتها
قلبى أتعلق معاها فالهوا
سهم العشق صابه وغوى
إللى وقع فالحب هوى
بنارو أنكوى ومالوش دوا
لو تجمعت الأطبا كلها
.........
بقلم.الشاعر
الأمير _محمود
ليست هناك تعليقات:
إرسال تعليق