عاشق بس وحدانى \ عباس صالح

 عاشق بس وحدانى/عباس صالح

*******---***-*--***-**

أنا عاشق

بس وحدانى.

اددن على عودى

واالف اغانى

ومين قدى

أنا سلطان زمانى

لا عزول بيحسدنى

ولا واحدة سحرانى

اسرح فى دنيتي

تلقانى رايق ما أنا

من صغرى وحدانى.

اشرب قهوتى فى بلكونتى

واتفرج على الناس من فوق

الاقى واحد بيكلم نفسه

قسمته مراته وولاده

و رجليه موش شيلاه

نفسه يقعد شويه ع القهوة

ويا صحابه أحبابه

ده من يوم ما اتجوز

قفل منهم بابه

دلوقتى اتفرجوا عليه

ده الماسوف على شبابه

والتانى ماشى يعد الزلط

والحفر ويلعن اليوم.

اللى مشى فيه فى الشارع

.

ويقول أنا ايه اللى نزلنى

فى الجو الرخم ده .

يارب اوصل البيت

والثالث ينادى من تحت

ادخلى يا بت شايفك

بتغازلى ابن الجيران

أنا حاطلعلك

نفسى تنسد من المنظر.

ادخل واقفل البلكونة

و على سريرى انام واهرب

---------------*-------*----

عباس صالح

عرض الرؤى

معدل وصول المنشور: ٢١

٢ابوفكري راجح ودنيا سعد

٤ تعليقات

أعجبني

تعليق