: ( اوعى تمشى ف يوم شمال ) بقلمي الشاعر جمال زكي عينر

 ( اوعى تمشى ف يوم شمال ) :

اوعى تمشى ف يوم شمال

خليك محازى ع اليمين

واوعاك تقرب للحرام

عمر الحرام ما يسد دين

لو كنت مديون للسما

والحمل على كتفك تقيل

ارفع جبينك للسما

وادعى يهون المستحيل

ارضى بقليلك تلقاه يزيد

واقبل نصيبك والمقسوم

تلقى قديمك كإنه جديد

ويبقى عيدك.كل يوم

ما تميلش أبدا للشمال

أصل الشمال طبع الشيطان

ولا تماشيش صاحب ومال

ابعد وخليك فى الأمان

العمر بيمر ف ثوانى

الحق بقى نفسك وتوب

ده عمر واحد مالوهش تانى

طهر ثيابك م الذنوب

ابعد يا عبد عن الشمال

قرب من اصحاب اليمين

ده مهما بيك العمر طال

حينتهي لو بعد حين

ده مهما بيك العمر طال

حينتهي لو بعد حين

بقلمي الشاعر جمال زكي عينر

عرض الرؤى

معدل وصول المنشور: ٤٤

٢ابوفكري راجح ودنيا سعد

تعليقان

أعجبني

تعليق