الجهل .... سرطان
★★★
مين بيغنى على مين
واحنا بالدنيا تايهين
بصحارى الجهل ماشين
الجهل موش وليد سنين
دا من زمن بعيد طويل
بتورث من جيل لجيل
ده كله من فساد التعليم
حتى مفيش جسم سليم
مرض وجهل بخط مستقيم
عايشين فى بيوتنا بنعيم
ياعبد الفتاح أنت ورمضان
الزمن جرى لف ودار
الجهل عاد لنا سرطان
استوطن بكل عقل ودار
من أولى الأمر للصغار
أفهم على كدا ليه ساكتين
والا هما لجهلنا قاصدين
لكرامتنا بين الأمم بايعين
نسيت دول بالأصل جاهلين
والله ياشعب مسكين
هتفضل بالوحل والطين
هتشرب البؤس ببرميل
هتفضل تملى للجهل سفير
التعليم محو أمية بالكتير
الجهل لو عاش بنا إنسان
كان منا زهقان قرفان
الجهل ليا رئيس وصديق
معايا بكل زقاق وطريق
بتنفسه بكل زفير وشهيق
الجهل بحر الكل فيه غريق
★★★
بقلم
عادل جاد
ليست هناك تعليقات:
إرسال تعليق