.. عم يا بتاع الحاجات القديمة بقلم الشاعر المصرى عدنان

 عم يا بتاع الحاجات القديمة ..

شوفلنا حاجه عندك ليها قيمة ..

شوف قلوب تكون سليمة ..

شوف ناس تكون رحيمة ..

تعبنا م الناس اللئيمة اللي عايشة بألف وش ..

واللي كل حياتها غش ..

واللي ابوها جنيه وقرش ..

شوف ضحكة م القلب طالعة ..

شوف شمعة في الضلمه والعة .. شوفلنا حتى ضحكة حلوة ..

سمعنا حتى أي غنوة ..

تصحي في النفس الحنين ..

وتفرح القلب الحزين ..

يا بتاع الحاجات القديمة ..

شوفلنا ناس من بتوع زمان ..

ناس كانت طيبة ..

ناس كانت قريبة ..

ناس كانت عيشها كريمة ..

ناس كانت عيشتها بسيطة ..

يا عم يابتاع الحاجات القديمه ينفع تاخد

الناس الجديدة وترجع لنا الناس القديمة

بقلم الشاعر المصرى عدنان

٣Elmasry Alshaer وشخصان آخران

تعليقان

أعجبني

تعليق