/////////+++ماشي وحدك+++/////////
قل لي واش لحروف مضرة
ولى لخاطري وخاطرك مسرة
ماشي وحدك قاري وخلاص
لحروف شلى فيها الاخلاص
حاملها لخيال را حة البال
اسواكن جذبة وسر لحوال
م الموحال منبعها اعناد
ولى عبدة مشدودة بقياد
حرة تتسارى فين بغات
ياك تخلق من لا شي حاجات
لاتنسى لحروف من سر سلام
جاية خارجة من نبع لحلام
وتقول غير غيمة ف سماها
ربي لمن مد وعطاها
لحروف م القلب جاية تفاجي
من لبحورة تعانق مواجي
ماشي ديالي وختياري
امصاحباني وبلى خباري
خليك بعيد من كل ضجة
والحرف خيلو ماشي عرجة
اشرب المعنى وحلاوة الكاس
ماشي زواق وتكسير ضراس
راه بين الناس فرجة وخيال
امحبة وصفا بين رجال
لكلام طيبوبتو عند ناسو
وحلاوتو تلبسك الباسو
بقلم صقر الحروف الزجال المحجوب بوسبولة
ليست هناك تعليقات:
إرسال تعليق