( الغربة)باللغة العامية
كتبت فى3/6/2021
كلمات سعيد الشبراوي
يالى مسافروتارك... دارك
كيف الصحة وكيف أخبارك
فُت الأهل وتركت العزوة
طمنا بس عن........ أحوالك
كِيفك إنت وكيف الحال
الدنيا فيتاك ولا .....جيالك
بعتنا كتير وإنتظرنا الرد
ولا وصِلنا رد وعلينا... بتصد
لا عايزين هدمة ولا مال
عيشتنا حلوة ...وعال العال
زملاتك خلفوا واد وبت
وبقالهم عيشة وبيت.وست
وأبوك نفسه تكون عريس
وعلى سعادتك يابنى حريص
دا الشيب خط فى رأسه خطين
وإنجيب يابنى صحة.. منين
وعوده بعد ماكان مفرود
مال وإنحنى...... يا محمود
لعلك بعد جوابى دا تعود
وتبقى لى سند وتكون لى عمود
أخدك منى الزمان وغرتك الدنيا
وضيعت شبابك... على الفانية
نفسى أشيل عيالك يابنى
وحفيد أضمه لصدرى ..يحبنى
ألعب معاه ويرجعنى عيل
إلحق نهارك قبل الليل. مايليل
وفى الختام ليك منى سلام
جواب من أبوك ..عبد السلام
ليست هناك تعليقات:
إرسال تعليق