ليل ماشى ****** م\ محمد بدوى أبو العلا

 ليل ماشى

************

النصيب ف الحياه مقسوم

وكتاب ع الجبين مرسوم

وحروف منحوته ف كف الأيد

وواصل لها م القلب وريد

ومش هنهرب من المكتوب

خايف م الدنيا ليه ومرعوب

وكتابى ف رقبتى متعلق

وبجرى ف الدنيا عشان اللحق

سراب ومتعه كدابه

ف دنيا موصوفه بالغابه

لا الحلم فيها بيتحقق

ولا نهار ف سماها بيشقشق

ايه تانى أشد م المكتوب

على حلم يبات ف ليل مصلوب

مستنى شمس نهار تطلع

وشعاع بالحب ودفا يسطع

ف ليل ماشى بلون غامق

ف موج بحر الحياه غارق

ويلملم كل الخيوط السود

ويصنع منها وتر على عود

وعليه يعزفلى لحن خلود

و غنوه كان اخرها وعود

ويمسك فى ايدى مايسيبنى

ويقرب منى ومن ننى

وتنهيده وسط الكلام تطلع

و آه تصرخ جوه وبتوجع

م/محمد بدوى أبوالعلا

عرض الرؤى

معدل وصول المنشور: ٣٢

٤ابوفكري راجح، سماح الحنفي وشخصان آخران

٨ تعليقات

أعجبني

تعليق