.. شعر غنائي ((( ياما نفسى )) بقلم الشاعر الغنائي .. محمد البريمى

 شعر غنائى ..

((( ياما نفسى )))

ياما نفس نرجع تانى .. زى الأول و أكتر ..

نكلم بعض ع الهاتف .. و نضحك و نهزر ..

دا مافيش حاجه تستاهل .. نزعل من بعض خالص ..

كل شئ ف الدنيا زايل .. كله محسوب و متقدر .. ..

ياما نفسى ..

تعالى يا روحى تعالى .. حلفتلك بالغالى ..

مافى غيرك شاعلنى .. ولا غيرك على بالى .. .. ..

و أحلفلك ألف يمين .. إن إنتى نور العين ..

و أغلى م الغاليين .. و مقامك عندنا عالى ..

ياما نفسى ..

تعالى نعيد الماضى .. و الزمن الأصيل ..

و أحلى الليالى .. و الكلام الجميل ..

ياما حلمنا ياما .. و ياما حكينا و شكينا ..

لكن مش بإيدينا .. المشوار طويل ..

.

ياما نفسى ..

آمانه عليكى آمانه .. م تطولى ف الخصام ..

وحياة المحبه .. اللى بينا و الغرام .. ..

غيابك بيأثر فيا و بأكون مضايق .. و البال مشغول ديمآ و الفكر ماهوش رايق ..

منين هيشوف الراحه و القمر عنه غايب .. واخد روحه معاه و الآمانى و الآحلام .. ..

ياما نفسى ..

بقلم الشاعر الغنائى ..

محمد البريمى

.

عرض الرؤى

معدل وصول المنشور: ١٣

١Fares Alkalma

تعليقان

أعجبني

تعليق