.. شعر غنائي (((( بعد الجنه نار ))) بقلم الشاعر الغنائي محمد البريمي

 شعر غنائى ..

((( بعد الجنه نار )))

بعد م عيشتينى ف جنه و نعيم .. عايزانى أرجع تانى للنار و الجحيم ..

بعد م كنتى ليا الأهل و الأحباب .. و القلب الحنين و الضمير السليم ..

ونا اللى كنت بأقول .. عليكى بنت أصول ..

و هتصونى ودى على طول .. أتارينى كنت غشيم ..

بعد م عيشتينى ..

عشان عاتبتك مره .. على حاجه ماهش عجبانى ..

ما كانش قاصدى أهينك .. و رجعت ندمت تانى ..

عايزه تخلى بيا .. ونا حطك ف نن عنيا ..

و بأقول إنتى اللى ليا .. بعد ذلى و حرمانى ..

بعد م عيشتينى ..

كان عندى أمل كبير .. فيكى يا نور العين ..

خيبتى ظنى ليه .. فين وعدك فين ..

بعد محبه و سلام .. يصير كل ده أوهام ..

كأنه حلم ف منام .. ونا سكران مع التايهين ..

بعد م عيشتينى ..

أنا هأسيبك كده على راحتك .. تجربى أسوة الأحباب ..

و أما يدور بيكى الزمن .. تعالى و خبطى ع الباب ..

بس لو فكرتى ف البعد و الهجران .. و تاه عن بالك غدر الزمان ..

و مشيتى ورى هوى الشيطان .. مش هأسامحك ع الليل اللى سهرته و العذاب ..

بعد م عيشتينى ..

بقلم الشاعر الغنائى ..

محمد البريمى ..

عرض الرؤى

معدل وصول المنشور: ٦

أعجبني

تعليق