... شعر غنائي (( كل م أحاول )) بقلم الشاعر الغنائي .. محمد البريمي ..

 شعر غنائى ..

(( كل م أحاول ))

كل م أحاول أنسى حبك .. ألاقى صورتك ف منامى ..

بتفكرنى بيكى تانى .. و كأنك لسه قدامى .. ..

مهما كان اللى بينى و بينك .. انا مش قادر على نسيانك ..

كل م يزيد دلعك و خصامك .. بيزيد شوقى و غرامى ..

كل م أحاول أنسى حبك

حاولت كتير أنساكى .. زى م تكونى سحرانى ..

أنام و اصحى .. على صوتك بيرن ف ودانى ..

أهرب منك إزاى و فين .. و إنتى مزوداها حبتين ..

كل دقيقه شوق و حنين . و ذكريات م بتنسانى ..

كل م أحاول أنسى حبك

كان ذنبى إيه .. أرضى بالقسمه و النصيب ..

و أعيش العمر على آهات .. ملهاش دوا ولا طبيب ..

لكن الحكم صدر م العالى .. مقدرش أغير أحوالى ..

هأفضل أحبك كده طوالى .. حتى لو أعيش من غير حبيب ..

كل م أحاول أنسى حبك

بقلم الشاعر الغنائى ..

محمد البريمى ..

عرض الرؤى

معدل وصول المنشور: ٠

١حسن عبدالوهاب الديلمي