حلاوة رمضان
ضيف...لك ف قلوبنا محبة
مين غيرك ف وجوده أمان
أيامك نور........تحيي مودة
وتجدد........ف حياتنا إيمان
مساجد.......مليانة وشاهدة
قلوب......عمرانة ومتواعدة
بتقوى تعيش تصوم رمضان
كتر الدعوات......لله صاعدة
قيام وصلاة.......ذكر وقرآن
وكلام طيب....لو فيه قعدة
علشان متصفد فيه شيطان
واللي مشغول بهوى المعدة
بتقوى صيامه..دايما شبعان
ليك...بالقلب مكان والمهجة ياأكرم ضيف رحمة وغفران
صيامك........ف الدنيا بهجة
وعتق رقاب من صهد نيران
تزرع فينا.......آمال متباعدة
نتمنى.....طول العام رمضان
*************************
بقلم/عبدالكبير محمد أحمد
جمهورية مصر العربية المنيا
ليست هناك تعليقات:
إرسال تعليق