حين الفراق
لسه فاكر كل شيء
______________
فاكر لما كنت مسافر
والدموع سايله فى عنيك
واديا بتطبطب عليك
لما كنت بتبكى والدموووع
بتكتب احلى كلمة حب
بصدق وشوق
وخوف من المكتوووب
وفاكر كل دمعه قالت ايه
وهى نازله من عنيك
وكل دمعه راحت فين
وكنت قاعد بين اديييك
بعدها كنت عايش سنين
طويله وصابر على الفراق
وذكريات الماضى باقيه
وبالامل تبنى اللى اات
مفتكرتش يوم تنسى
وتمحو احلى الذكريااات
داانا كنت فاكر انك تهت
فالدنيا ونسيت اللى فات
حتى انا حاولت كتير
ارجعلك وادور عليك
لكن غصب عنى الغربه طالت
مفتكرتش غير عنيك
كنت ابعتلك رسايل
مع الرايح واللى جاى
كنت عارف مش بتوصل
لكن دايما شوقى يوصل
لما كنت افتكرك
كنت عارف وقتها انك فكرنى
ولمااشوفك فى المنام
كنت عارف انك شيفنى
ده لانى روحنا واحده مش روحين
كنت احس بكل حاجه تحس بيها
لماتتعب كنت اتعب برده زيك
لماتفرح كنت افرح زى فرحك
لون عنيك وشط رمشك لسه فاكره
وابتسامتك حلوه صافيه بيها عارفك
لسه فاكر كل حاجه ولسه شايفك
___________________________
شعر/محمودعبدالمتجلى عبد الله.
ليست هناك تعليقات:
إرسال تعليق