الانتظار قاسي.. شعر الأستاذ/ محمود القطوعي.

 الانتظار قاسي..

شعر الأستاذ/ محمود القطوعي..

اه يابا من العذاب ..

اللي كوى روحي..

أودع الأحباب ..

واهاتي ف جروحي..

يسمعها قلبي ..

اللي انصاب ..

من غلبي ومن نوحي..

عايش زمان كداب..

كسر ف الروح طموحي..

خلاني عقلي غاب..

يامين يهدي جموحي..

شعر الأستاذ/ محمود القطوعي..

وقفت فوق الشط ..

ع البحر أتأمل ..

أنادي ع الأحباب..

وصوتي ما يكمل..

من دمعه جوه العين..

نشفت بتتعطل ..

امتى تعود الأحباب..

ولامتى حتحمل ..

ويا انتظاري عذاب..

وعذابي ليه طول..

عنب الجميل ..

لوطاب ..

يحلى من الأول ..

كان في جمال جذاب..

عن ندى الجمال ..

ما اتحول ..

خلى الشوق غلاب ..

ياريت أقدر ع الانتظار..

وأعيش له وأنول..

فرح الحبيب أنوار..

من روحي تتمول..

شعر الأستاذ/ محمود القطوعي..