"قَصَايدْ حُبْ"
أغْزِلْ لِك مِن رِموشى شَال
وأنْسِجْ من كِتافى وسادَة
وأعْمِل لِك فى شَرايينى طَريق
تُروحى وتيجى كالعادَة
تِرتِوى وتِعْشَقى بزيادة
وتِبْقىٰ عُيونى قَمَرْ ودَليلْ
علىٰ صَدرك زينَة وقِلادَة
وحُضنى لِك أمَانْ وعَرين
بِشْتَاق لِك ونِفسُْه فى إعادة
بَحِبِكْ وإنت نَفْس الشئ
وقُلوبنا عَزيمة وإرادة
قَصايدى فيك بلَحْنْ بَليغ
غَنِّتها فَايزة ومَيادة
واخْدين فى الحُب كام نِجْمَة
وإمتياز بِجَدارة وشَهادَة
عارفْ أنْفاسِكْ كامْ شَهْقَة
عَدِدْهُم بِحُبْ وإجادَة
نِصَلى ونِدْعى ياربْ فَرٌحْنا
وقلوبنا تِبْقىٰ سِجَادة
كلماتى:
الشاعر: حليم محمود أبوالعيلة
مصر
ليست هناك تعليقات:
إرسال تعليق