(جربت!!!!!!!?????$)
جربت تعيش الغربه وحيد.
جربت تحس بدمع عينيك
تنزل على خدك تسلخ جلدك
معشش فيها خفافيش ظلام
بلا دم بيجري بشريان ووريد
وإنت بتعدبحساباتك وتزيد
تحسب وتعد في نجوم الليل
وعقلك شارد في حبيب بعيد
جربت تحس بوجع القلب
وبألم الضهر وجفون العين
سهرانه مجافيها النوم
لا أنيس وجليس ولا كلمه
حب ولا شوق وموده
ولا حنان ولا شيء بيفرح
غير بس تهديد ووعيد......
جربت تقابل ناس مابتحبكش
ويعلم الله إنك طيب ونصيبك
في الدنيا شويه وإرادة ربك
فوق الكل بيفعل مايوريد.
جربت تلاقي الكل أناني
تحلف بالله إنك رايده
وبتحبه وهو يقابل كلامك
بعناده وفاكر إنك مارمي عليه
لا إيديه تطبطب وتلملم عرقك
وشقاك وتشفي غليلك من
وجع الدنيا بيجي على وجعك
يجرح قلبك وقلبه سعيد
جربت تقوم من عز النوم
من برد بيلسوع ورعشة إيد
جربت تفضفض لحيطان
غرفه أركانها سكوت وعقل
مشتت وتايه وشريد.........
جربت تلملم في غطاءك
وتتقلب من جنب لجنب.
وأشواك بتشوك والم وأنين
ووجع وقهر وذل وتنهيد..
جربت تشوف ناس عايشه
بوادي وأنت بوادي تسمع
بكلام يكسر خاطرك أو بكلام
تجريح وبقلب عنيد.......
جربت تعيش الغربه وحيد
غير رنة تيلفون وقلوب
ممسوخه على هيئة بني
آدمين وقلوب كلها صدى
حديد.........
لاحنان ولاعطف وكل حياتنا
حياة ماتفيد............
جربت تعيش الموت وروحك
فيك ميت تهرب من خوف
يلاحقك خوف أوحش منه
ومن بكره الجاي من مستقبل
علمه في الغيب ومن يوم جديد
جربت تكون مهمل ومهمش
مركون على رف الذكرى
وتموت وينسوك لاتاريخ
ولا مأوى ولاقبر يلمك
غير رحمة ربك وصبر على
دنيا الهم وقلب لايعرف
حب قلب بارد وبليد.....
جربت تعيش الغربه وحيد.....؟
29/1/2025
(شاعر العاميه/خيرى حسنى؟؟؟؟)
ليست هناك تعليقات:
إرسال تعليق