كلام الناس (758)
..............
وهتبكي العمر تاني
على حب ما حستوش
ورضيت مره وقساوته
ليه تصبر ع الآلم ده
وجراحك ما إتداووش
خايف للناس كلامها
إن قالوا ما يسكوتوش
ما الصمت إن طال مسيره
راح يصرخ من الوجع
كان أيه ذنب الضحيه
لما عمره إتسرق
ده لا داق شهد الليالي
وروحه وجسمه إفترق
وهترسم مهما ترسم
الضحكه ممرره
والعين قالت دموعها
وأحزانها مسيطره
داسوا حتى المشاعر
ملهاش سعر وثمن
والواصي باع ضميره
وفى غدره ما يؤتمن
ماتت أحاسيسنا فينا
وحروف كلمه أمل
حتى الأحلام فاتتنا
وعنوانا ما أكتمل
وهتبكي مهما تبكي
ما خلاص دفع الثمن
وكلام الناس غاصيبها
في وجعها يكون سكن
ما البيت هجراه المشاعر
محروم حب وأمان
والعمر اللي باقيلها
مشطوب ذكراه لزمان
بقلم .. صبري رسلان
ليست هناك تعليقات:
إرسال تعليق