انا ليه تملى اجيب فى سيرتك بقلم الشاعر محمدعبدالمقصودداود

 ==========انا ليه تملى اجيب فى سيرتك

##############################

انا ليه تمللى اجيب فى سيرتك

للشجر والورود

واسهر مع القمرة

احكى لها امتى تعود

وتشدنى خطوتى القانى

جنب بيتك اعود

المح ضحكتك فى كل الوجوه

هو مين للحب اخترع

وصدروه

وبعملة صعبه فى روحنا باعوه

اوقات ينادينى صوت الكمان اقول دا همسك

يبكينى ناى حزين

كأنى ببا سمعنى اسمك

انتى فين بيوحشنى رسمك

وجملة متعلقه فى خيالى

كأنها بترقص ع الشفايف

كنت فاهم بس خايف

مش انا

مش انا اللى اقول لعينيكى لآ

مهما كان فى حبك مشقة

لما باجى لسكتك قلبى بيقولى

زقة

ولانى مش محارب فى ساحتك كنت استخبى

انا كما العصفور من شقة لشقة

احن لصوتك ولهفه

انا المسافر وانتى كنتى دفه

انا وحلم العمر اللى انقطع

محتاج ل رأفة

قولى ليه صوتك عامل فى ودنى احلى زفة

وليه لما تغيبى تغيب احلى لهفة

---------------------------------محمدعبدالمقصودداود