===== يوميات معلم =====

 ===== يوميات معلم =====

بتفكروني بس ليه

بأول يوم

أصحى فيه

بدري م النوم

اجري ياعم

واحضر تابورك

وتكتر حصصي

والهموم

شغال من أول

حصة ياعيني

لحد ما تتقطع

الهدوم

أستاذ الواد

دا ضربني

والثاني يقول

هوه شتمني

والثالث واد

مليان غتاته

عامل عمايله

ولا خايف مني

والرابع مزنوق

سيبني أخرج

للحمام وعشرين وراه

ياولادي أستنوا حبه

لما الدرس

حتى نقراه

وبالعافيه نقرا

حبه منه

واسمع صوت

لعبة معاه

يا ابني جايب

لعبه ليه

أخدها منه

يقعد يعيط

واللي جبنه

مبسوط مزقطط

والفصل كله

شمتانه فيه

واللي يقولي

بطني واجعني

قولي بس

أكلت إيه

يقولي لسه

الأكل جوه

عاينه في

الشنطه يابيه

طب عاينه ليه

طلع وكل

يمكن بطنك

يخف عليه

واللي قاعد

عمال يتف

بتف ليه ....

فين مندليك ...

مش معايا

خد منديل

مني ياعم

شكل المنديل

مش كفاية

عايزله فوطه

واللي يقول

قلمي فين

لسه جايبه

من ساعتين

والتاني يقول

دا أصله قلمي

كنت جايبه

من بومين

أفتح وأشوفه

وبعد شويه

يقول لقيته

بتفكروني

بس ليه

كنت ناسي

كل الهموم

بقيت مصدوم

بقلمي

صلاح شعبان الفيداوي

القاهرة

٧/٢/٢٠٢٤

عرض الرؤى

معدل وصول المنشور: ١٣

كل التفاعلات:

١١