خير و شر
ليه كل ما اعمل خير
يجيني من وراه شر
وكل ما افكر أعوم
الأقي عيونهم عل البر
غير النق والقر
ياناس ارحموني بقي
وكفاية بقي شر
احب ولاد الأصول
والأنسان الشهم الحر
تلاقية حتي في عداوتة
ما يجيلك منة شر
وتملي عينة مليانة
ولا ياخدك مرة غدر
واللي تعمل الخير معاهم
يجيلك منهم كل الشر
ابطل عمل الخير
ولا اتحمل الشر
دي الشيلة بقت تقيلة
مليانة نق وقر
والكيل طفح بالقوي
والدنيا كر و فر
وأن. جيت اخدلي جنب
يقولوا خلاص اتغر
خلاص والله تعبت
ما نا عارف ارضيكم
هوا العيب في الزمن
ولا الزمن معيوب بيكم
مش محتاج كلمة شكر
غير بالخير الاقيكم
تعبتونا
بقلم
احمد محمود
من ديوان بنا حروف
ليست هناك تعليقات:
إرسال تعليق