مسحراتى منقراتى رجعت تانى اهاتى

 مسحراتى منقراتى رجعت تانى اهاتى

فى حوارى مجلة نداء الروح

اصحى يانايم الليله اخر سحوره

بعدها هتقولى روح يامصرى شفلك غوره

اخلصوا عشان الحق بسرعه شغلى

حكم كوره لدورة رمضان المذكوره

وبعد الماتش بنهى اشتباك الجمهور

اصحوا عشان اقولكم كل سنه وانتم طيبين

حد يبعتلى وحدتين فطير

ويارب يموت اللى ما يبعتلى طبق كعك وبسكويت

طبعا انت ياست استر من بعد الفطار

مستنيه تشاركى السحور مع الست فاطمه

فى طبق الفول بالزيت الحار والفلفل المشطشط والبزنجال

والعيش البلدى الطازه اللى جبهولك عبده الفران

هو عاد فى مكان جواكم للسحور

بعد اللى كلتوه على مائده الافطار

اللى كل واحد فيكم مكنش قادر يصلب طوله من كتر الاكل

غير الاكل اللى دكنتوه فى الاكياس من ورا الناس

وفهد ونبيل كل واحد فيهم كان محتاس يخبى الاكل فين

ومحمد عزت برك على اللحمه اللى فى الصنيه

وشخط وقال محدش يمد ايده الصنيه دى ليا

وندا وايمان طلعوا شايلين معاهم شنطتين

اما ارق ملاك ياولداه مطلتش حاجه الا اخدت صورتين

مع انها كانت مشاركه قى المائده بصنيتين بسبوسه

ورمضان دايما كريم

والكل اتراضى ربنا يعود علينا الايام بخير

والسنه اللى جايه ان عشت هسحركم

بس اعملوا حسابكم فى الافطار والسحور هشاركم

وكل عام وانتم بخير

المصرى الشاعر

عرض الرؤى

معدل وصول المنشور: ٦٠

كل التفاعلات:

٧Elmasry Alshaer، وTghred Ahmad و٥ أشخاص آخرين