**(( يا صَفحة التاريخ عَني إسئلي))**

 **(( يا صَفحة التاريخ عَني إسئلي))**

يا صَفحِة التاريخ عَني إسئلي

بحِب المَعَنى والزَجَل والتَرغَلي

في شَرقِنا الاطفال كانوا يِلعَبوا

ليه فارَقونا والاسامي مسَجَلي

ماتوا وهم نايمين ويحلَموا

واللي قَتَل بِقول هاي مَرجَلي

شُفت النِساء بعَيني صاروا يِرحَلوا

ودموعهِن عَخدودهِن لِمتَشكَلي

الطائرات الدَبابات بيِقصِفوا

والموت بالالاف اول مَرحَلي

نِحنا بوَطَنا باقيين وإعرَفوا

ما نخاف من محتل في شَره عِلِي

كُل المَدارس والمَساجِد هَدَموا

ما خلوا ضَربة واحدة ومأجلي

والغَرب يلي ساعَد وقال إقصِفوا

جابوا الذَخيرة للبنت لِمدَللي

والعَرَب يَلي ساعدوا وتآمروا

نِسيوا الصِيام وعَيَدوا بلِبس الحِلي

لِبسوا العِبي والتاج صاروا يلَمِعوا

تَيقَسموا فلِسطين وهذا منجَلي

لكن أنا بَقولها وانتوا إسمَعوا

فلِسطين فيها رجال والرَب العَلي

ما بِركَعوا للظُلُم مَرة بالعُمُر

وهذا كَلامي وفي التاريخ مسَجَلي

..بقلمي..ياسين مصطفى بكري......

عرض الرؤى

معدل وصول المنشور: ١٣

كل التفاعلات:

١ارق ملاك