خلاص ***************

 خلاص

***************

خلاص خلص الكلام

خلاص خرص اللسان

معدش للحق بنا مجال

مبقاش للعدل حتى ميزان

معدناش بنتحرى الحلال

وجودنا بقا حرام فى حرام

مبقاش بالقلب طهارة وإيمان

الكل ف الكل طمعان

وجودنا بقا أشبه بغابة

عشان مبقاش لله مهابة

الإنسان مبقاش إنسان

مش شايف لعودته أوان

شمتنا فينا الشيطان

النفس أمارة بالسوء

هية اللى لينا بتسوق

نسينا أن لله علينا حقوق

أزاى حياتنا تحلى وتروق

ولطاعة الله مش عايزين نفوق

*********************

بقلم

عادل جاد

كل التفاعلات:

٣٣