لحظة ندم
بقلمي الشاعر محمد عبد العزيز رمضان
وسألت نفسي وقلت مره
أنا مش هكون زى العدم
أنا هبني نفسي واعدي خوفي
أنا فوق جروحي هكون قوي
مش راح يأخرني الألم
الحلم راح يصبح حقيقه
وفوق جبيني هيترسم
وهقول لكل الصعب ارحل
راح هكون فوق القمم
ولا عمري يوم هقبل بضعفي
ودي حقيقه مش حكم
العمر مش لحظه ودقيقه
مسيره يوم راح يبتسم
ويا نفسي كوني كمان جريئه
تلقي همك يتقسم
واللي يواجه يوم عدوه
عمره يوم ما هيتهزم
واللي يعيش راضي بخوفه
عمر أمره ما يتحسم
املك زمام أمرك وعدي
وقول يارب هتلتئم
كل الجراح وصعاب كتيره
فوق كتافك تتردم
يا قلوب كمان صافيه ورقيقه
من شرورنا بتتهدم
أحلامنا بنَّا بقت غريقه
بكل قسوه بننتقم
ليست هناك تعليقات:
إرسال تعليق