الدنيا ليل ونهار ____________ الشاعر. محمدامام

 الدنيا ليل ونهار

____________

ياللي شايفها ليل

الدنيا ليل ونهار

مهما يطول الليل

حتماً حييجي نهار

اصبر وقول يا ليل

والله الزمان دوّار

الدنيا ليل ونهار

امسح بإيدك دمعتك

وارسم خطاوي سِكِّتك

عيش الحياه قول كلمتك

عمر الدموع مبْتِطفي نار

الدنيا ليل ونهار

لو يوم يموت منَّك أمل

علشان تعيش اخْلَق أمل

ربك مُعين عايز عمل

لو تاه مدار يدِّيك مدار

الدنيا ليل ونهار

لَمَّا الأمل يبعد بعيد

ابدأ وحاول من جديد

بالصبر راح توْصل أكيد

وكون عنيد دا الليل جبَّار

الدنيا ليل ونهار

اسعَى وسابق خطوتك

إيَّاك تفارق غِنوتك

حِلْمك أسير فين حِكْمتك

خلِّّيك جرئ وخُدْ قرار

الدنيا ليل ونهار

______________

الشاعر. محمدامام

كل التفاعلات:

٢١٢١