(عتاب قلمي)كلمات/صبري حسين
عتاب
جالي من قلمي
جالي وهو يبكي
ليه يا صاحبي
خلاص استغنيت عني
انا كنت بفرح لما تمسكني
لما كنت بتفضفض بي
انا ياما رسمت مشاعرك
ياما كتبت وعبرت عن اللي في قلبك
كنت دائما شاهد علي حزنك قبل فرحك
ليه يا صاحبي
بعد كدة عني
ايه اللي زعلك مني
بصيت علي قلمي
علي دموعه نزلت دموعي
ضميته في حضن كفي
طبطبت عليه بصوابعي
اياك يا قلمي
في يوم تزعل مني
ده انت الوحيد اللي طول عمرك واقف جنبي
عمرك ما في يوم بعد عني
زي ما انت قلت انت مشاركتي
كل تفاصيل حياتي
فرحي وحزني
دائما شاهد علي دمعي وضحكي
يا قلمي عمري ما انكر فضلك
اطمئن يا قلمي
ده انت حتة مني
انت الوحيد اللي بترجم مشاعري
يا قلمي عايز تعرف انك غالي
انت اللي شاهد علي في قلبي
حاسس بكل جوراحي
انت المتحدث دايما عني
دموعك يا قلمي
غالية علي
آسف يا قلمي
لو كنت انشغلت شوية عنك
لكن عمري ما اقدر ابعد عنك
ولا لحظة استغني عنك
ارجوك يا قلمي سامحني
نفسي تتقبل عذري
صبري حسين
ليست هناك تعليقات:
إرسال تعليق