======- زمن ما بعد الحب======

 ======- زمن ما بعد الحب======

----------------------------------------

وعشنا الحب سطورفى سطور وفتحنا فى قلب الضلمة حتة نور

وايه ح يفيد

لو نقولنا ياريت

ما دام صعب نعمل فى المدى بيت

وفيه غيرى بيبنى قصور

زرعنا الحب .

و.آه ما جنيت

حصدنا الوهم وقلنا زهور

حصد غير ى سطور وسطور

وضاع منى اللى كان فى الغيب مكمور

قانون قاسى بيفرض شرطه المجنون

فلوس تقدر تخلع حلمك البنور

يساومك زمانك على عشقك

فتترك صفحة ما فيها سطور

تقف وحدك تحضن الهوا المخمور

انسان وايده على قده

وقلبه يبات مغدور

وكفه بالالم مشطور

وآه من الحب لما يبيتك كل يوم مقهور

تعيش الليل مع حلمك

و فى الصبح تلقى الشمس ناشفة وبور

رماك قدرك تنازع سكرة المغلوب

جيوب مهما تحاول ما فيها يكمل تمن عشقك

زمن غشك

يعدى عليك ما تلقى الحلم فى عشك

قتلوا البراءه و الحظ كان مأمور

عودك ضعف

وشلت م الهموم احمال

مكتوب عليك الحزن والترحال

======محمد عبد المقصود داود

عرض الرؤى

معدل وصول المنشور: ٤

كل التفاعلات:

١ارق ملاك