أيام وتعدي..

 أيام وتعدي..

شعر الأستاذ/ محمود القطوعي..

أيام وتعدي ونقضيها..

كده ف سلام ..

وكل خطوه نعيش فيها..

ويا الأحلام ..

وأماني كتيره كانت عايشه..

ف الروح أنسام ..

ولا كان في يوم ولاباءدينا..

تملانا الام ..

نحايل فيها وترضينا ..

جوه الأيام ..

محسوبه م العمر اللي نسينا ..

ف طرف الأنغام..

والشوق بيدور ويدور بينا..

ولامره ينام ..

ونفوق نلاقينا عدينا ..

بر الأوهام ..

وكبرنا وعدت أمانينا..

وماشيه لقدام ..

وأحباب راحت من حولينا..

وكوانا ملام ..

شعر الأستاذ/محمود القطوعي..

والحسرة أهي فضلت تواسينا..

والوحده ضلام ..

ونشوف الدنيا ف عنينا ..

نسيتنا قوام ..

والماضي راح وبقى حكايه..

تسري ف سلام ..

وتروح على شط بحار ياما..

دفنت اكرام ..

بس العبرة تفضل صاحيه ..

توفق ف خصام ..

والفكره الحلوه نلاقيها ..

زرعت أعوام ..

اهي دنيا جينا مالاقينا ..

عمر فيها يوم دام..

تاخد أعمارنا وتطوينا ..

وعملانا خدام ..

ومن أجسامنا ف ترابها..

تاخد منها وتحي الأجسام..

دايره بتدور ويجي غيرنا..

وتاكلنا الارض ..

وعايشه تمام ..

شعر الأستاذ/محمود القطوعي..