* * * جوه القصيده * * *
للشاعر /صابر الشناوي
جوا القصيده
الف حرف متكتبش
الف احساس لما
الحب الحقيقي متوصفش
كل اللي انكتب من حروف
حب وغرام كان يدوب
على الغلاف حبه كلام
أما الحقيقه الغرام
والهيام اللي في عنيكي
شيء جديد أو غريب
صعب جدا يتوصف
او بترسم بحبه حروف
فمهما اوصف أو أقول
حبي ليكي ما يتوصفش
جوا القصيده نقط، كتيره
فوق الحروف وخطوط
، كتيره تحت الكلام
لوصف عشقى من غير قيود
او اي خوف او ملام
وبين السطور كل المعاني
اللي تعبر عن غرامي
ولهفتي لحضني لهواكي
وضمتك لكل اللي باقي
من حروفي ومن كياني
ومن معاني
علمتني ازاي في
عشقك اكون اناني
وأحس الوقت دايما
في لقاكي مهما طال
بردوا بيعدي في ثواني
قريت كتير ع العشق الأحمر
عشقك انتي في قلبي اكبر
قلبك أنتي دايما أخضر
أنثى فيها اتولد كل المعاني
لفيت كل حروف الهجاء
علشان أكتب عن هوايا
في عشقى ليكي ما أشاء
التقيت حبك انتي
صعب انه يتوصف
في حروف أو قصيده
كل حته فيكي مستفزه
مستبده او عنيده
ولما تلمسها باديا
تدوب في حضني
م الخجل وهي سعيده
تقولي دفيني بحنانك
داريني أكتر م العيون
خبيني جوا ف القصيده
ليست هناك تعليقات:
إرسال تعليق