ناس
بتلعب بالفلوس لعب
بتبعزقها هنا وهناك
بتصرفها على البسط والمسرات
وعالفسح والحفلات
يجيلها اتنين
وهي قاعدة ومستريحة
رايحين جايين
بين البلاد والقارات
يشموا الهوا ويريحوا نفوسهم ويعيشوا ولا في الاحلام
وناس ياعيني عليهم
يدوروا عالقرش في كل مكان يفتشوا يبحثوا ينقبوا
هنا وهناك
وياحسرة عليهم
مش لاقيين حتى المليمات
يباتوا بكايا وحزنانين
على عيالهم الجوعانين
محرومين من دفء المال
مش لاقيينه ولا في الاحلام
عيشتهم ضنك ايامهم هموم
حياتهم بالويلات
سبحانك ربي
يامقسم الارزاق
فين العطف والحنان
راحوا فين هما كمان
ماعدش حد حاسس بحد
كل واحد يقول اللهم اسألك نفسي
حرام ياناس
نظرة عطف عالغلابة
لقمة في بطن جائع
اعظم من بناء الف جامع
المشاعر باجازة طويلة
والاحساس ولى وراح
انا مابلومش الناس المليانين
لان الارزاق من عند الله
بس ياريت يحسوا شوية
ويشفقوا ويحنوا عالمحتاج
ربنا يرزقهم كمان وكمان
ويعوض عليهم القرش بالمئات والالوفات
المرضى بحاجة للدواء
والاطفال بحاجة للكساء
ورب العيال بحاجة للاعانات
والعواجيز عايزين المساعدات
فلوس قليلة تنقذ عائلات كتيره
عارف البديوي
ليست هناك تعليقات:
إرسال تعليق