========== اطفال يكتبوا التاريخ
طفل بعيونه البريئة
مد كفه بالحقيقة
البلاد ضاعت فى غيبته
الغيلان قتلوا حبيبته
والجيران نايمين فى غفلة
قالوا دولة وانتم دولة
الاخوة عملة صعبة
والمروة عاوزة قوة
بس اصحاب السيادة
اتوحدوا مع الديابة
ياحمامنا طير ونادى
ع اللى سرقوا خير بلادى
طفلنا جاع وانجرح
واللى جاى اكتر فى (رفح)
يا قلوب جواها حجر
اى ملة يا بقر
تمنع وا الغلة
عن عيون طفلى البرىء
سرسبوا من عمره السنين
بس قلبى شاف امل
جى فى الفجر اللى برق
صيحة تملى كل شارع
تحضن الفجر اللى طالع
تشفى فينا كل المواجع
مهما زاد الجرح سامع
صوت بيهدر فى الجموع
عاش بيحلم بالرجوع
طفل عمره الف عام
كلمته هى العلام
بالكرامة عاش الف عام
المشاعر فينا ضاعت
بس فى قلبه ما باعت
كل احلام السنين
طفل بعيونه البريئة
مد كفه بالحقيقة
---------------------- محمد عبدالمقصود داود
ليست هناك تعليقات:
إرسال تعليق