حسك عينك
ترجع تاني
قلبي يشوفك لو لثواني
المح طيفك لو ف خيالي
يالا يا خاين يالا يا جاني
انسى غرام كان بيني وبينك
حسك عينك
اوعى تقول لسه بتهواني
اوعى تقول البعد كواني
سهر الليل والشوق سوَّاني
اصل انا شايفك واحد تاني
كدبك باين جوه ف عينك
حسك عينك
دانتا جنيت على قلبي وبعته
كان ف ايديك بسهوله ضيعته
قلبك قاللي بحب طاوعته
جيت على قلبي وياما لاوعته
اصله امنلك وانت خدعته
ايوه مشيت والشوق ودعته
جاي دلوقتي بتسأل فينك
حسك عينك
عمري ماكنت أتصور يوم
ان العشره عليك هتهون
ان عنيك ييجي يوم وتخون
بعد ما عشت انا بيك مفتون
كنت الدنيا وكل الكون
دانتا ماخنتش قلب حنون
خنت الدم اللي ف شرايينك
حسك عينك
بقلمي/ خالد جمال ٤/٣/٢٠٢٤
ليست هناك تعليقات:
إرسال تعليق