المسحراتي ««««»»»

 المسحراتي

««««»»»

يامسحراتي دق الطبلة صوتها

والله وحشنا

من السنة للسنة بنشوفك

وعمر مابتخلف مواعيدك

بتغيب علينا وبتوحشنا

وترجع لينا والخير

وياك شهر كريم يامحلاه

والنبي علي قلبك سمعنا

وقول ياعم ومتعنا

والشوارع ياجمالها متذوقة

وشايفه دلالها

والزينه علي كل دار والأنوار

ليل ونهار والبركة مليا

بيوتنا فضل ونعمة من الغفار

من زمان بنستناك تعدي

من قدام بيتنا

ونغنى معاك من ورا الشباك

كلامك والله وحشني

وبتحلي بيك ليالي رمضان

تصحى النايم والغفلان

يامسحراتى يامحلاك

دق ياسيدى وأحنا معاك

وسمعنا كمان وكمان

فكرنا بأيام زمان ذكرياتنا

وأحنا صغار كنا نستناك

بشوق ولهفة ونلف وراك

من حارة لحارة عاملين

هوليله وقلوبنا طايرة

نغنى ونقول أصحي يانايم

صحى النوم قرب من ربك

يلا قوم أحنا بقينا في

شهر الصوم ربك مستنى

تروحله تدق بابه وفضفضله

قرب منه وادعيله يرتاح

البال من الهموم يامسحراتي

دق الطبلة صوتها والله

وحشنا وبتكمل بيك فرحتنا

بقلمي/ هشام محفوظ

عرض الرؤى

معدل وصول المنشور: ١٥

كل التفاعلات:

٢فهدالصحراء الجرئ وشخص آخر