أصحى وفوق
ياابن ادم
لازم يكون في معلومك
انك لو كوشت مال الدنيا كلها
وحوشت على كل حاجة
صدقني والله
انك مش هاتاخد معاك اي حاجة
مال الدنيا هايبقى للدنيا
تروح انت فاضي اليدين
ويبقى كل اللي حوشته وجمعته بسنين عمرك
للورثة بتوعك
واصعب حاجة رهيبة جدا
هاتتحاسب عليها حساب عسير قوي
ان كنت واخد مال مش مالك
ومش من حقك تغتصبه وتحرم صحابه منه
ان كان بالترهيب والتخويف
او بالذل والاستغلال واقتناص الفرصة
ومهما سبت من بعدك للي هايورثوك
ثق تماما انهم مش هايترحموا عليك
اصلا ماعندهمش وقت يدعولك بالرحمة يامسكين
يادوب يلحقوا ياخدوا
اللي انت فنيت عمرك بجمعه
وبيقولوا في السر والعلن
حرام لو كان سبلنا اكتر من كده كنا اتعمنا قوي
وتصدق ان قلت لك
انهم بيركضوا ويسرعوا بترحيلك
عشان يلحقوا يقسموا الورته
واكيد هايبخلوا ويقننوا بالصرف على العزا
عشان ماتنقصش حصتهم
وبكده تكون انت استفدت ايه
حرمت روحك انك تعيش عيشة كويسة
اتبخلنت على نفسك
وحرمت صاحب المال الحقيقي اللي انت لهفتو منه انه يعيش عيشة كريمة
انهض ياابن ادم من كبوتك
صحصح وحاسب ضميرك
لازم ترجع المال لاصحابه
قبل فوات الاوان
خلي قرشك حلال
منزه وبعيد عن الحرام
والله قرشك اللي تكسبه بالحلال وبعرق جبينك وشقاك وتعذيبك وبما يرضي الله
فيه لذة عظيمة
تشعر بسعادة قوية وراحة بال وتضمن مايعذبكش ضميرك
فكر بكلامي ده تلاقيه صح تمام
ربي يجعل كلامي خفيف عليك
وماتحقدش عليا وتلعني كمان
عارف البديوي
ليست هناك تعليقات:
إرسال تعليق