رمضااان كريم

 رمضااان كريم

مسحراتى منقراتى جاى لوحدى الليلة دى

ادعوا لاخويا المصرى المسكين

بعد ماراحت فى دى الليلة عليه نومه

قاموا عليه اخونا الفاطرين

وهاتك ياضرب فيه ولا حد قادر يحميه

صدق اللى قال الكتره تغلب الشجاعه

ومين بس يقدر على اثنين وتلاتين وكمان فاطرين

وشمال ويمين خلوا أعضاء جتته كلها مصابين

ومن كتر قهره وكسرة ظهره

بعد ما كان فتوه وفى ايده القوه اتزل ياولداه

ما نابه الا قولة ااااه

ربك يديك من الصبر ياخويا عيارين

وقال انه ما يدقها تانى وحلف ميت يمين

وسبته يدور على فيزه يسافر بها الصين

او يشتغل مسحراتى فى البرازيل

وهناك لافيه جوامع ولا تسمع مؤذنين

والسحور بيكون اول الليل

وبالنهار يشتغل فتوه ليه شنه ورنه

والدولارات فى جيبه تكتر زى الغله

ويمكن يرشحوه عمدة المصريين

وواحده واحده يبقى زعيم مافيا

وبلاها المجله وندا وايمان بلا كافيه

هيعوضها بانه يصاحب ملكة جمال البرازيل

صاحبة القصد والنيه واللى عينه عليها من سنين

بحالتها استعمال خارج وسنها حاجه وتلاتين

يعنى مستورده بس يارب ينول الرضا

واكفينا شر عيون الحاسدين

وهيمشى عدل وينسى اللى كان

وهيتوب ويبطل العيشه الشمال

وهتبقى عيشته تمام

المصرى الشاعر

عرض الرؤى

معدل وصول المنشور: ٤٨

كل التفاعلات:

١٠أنت، وElmasry Alshaer، وFatima Widad و٧ أشخاص آخرين